Plantun de Prouvènço

Pèr coumpara dos planto d'encò nostre

Arabis hirsuta & Carex vesicaria

Arabis hirsuta

Brassicaceae Cruciferae

Nom en français : Arabette hérissée.

Descripcioun :
Aquesto arabeto èi mens coumuno que l'arabeto-di-silico-pato. Li fueio de la cambo an quàsi pas d'auriho e li péu soun simple o bifide e pas mai. Li boudousco rèston sarrado contro la tijo. Es uno meno que s'atrobo mai en mountagno mejano. Coumpara emé l'arabeto-di-silico-plato.

Usanço :
Li fueio de l'arabeto-peludo soun manjadisso emai sèmblo pas que i'ague au nostre aquesto usanço. N'en sabèn pas mai sus aquelo planto. Escriéure au site s'avès d'entresigne.

Port : Erbo
Taio : 10 à 80 (100) cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Arabis
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Tepiero roucaiouso
Estànci : Coulinen à Subaupen
Couroulougi : Éurasiatico
Ref. sc. : Arabis hirsuta (L.) Scop., 1772

Queirello(-vessiculado)

Carex vesicaria

Cyperaceae

Àutri noum : Moutouso, Sagneto.

Nom en français : Laîche à utricules renflés.

Descripcioun :
Aquesto queirello, raro au nostre, que trachis en ribo de mueio e de palun, a de fueio bèn verdo, plegado e un pau larjo (4 à 8 mm). La tijo, lisco, es en triangle, e porto 2 à 3 espigo masclo bruno e 2 à 3 espigo femello dreissado emé d'escaumo pounchudo. Se recounèis subretout à sis utriculo clinado e larjo (4 à 7 mm) qu'an un long bè (1,2 à 2,2 mm) bifide (dènt de 0,4 à 0,8 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 80 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 6 cm
Flourido : Printèms

Sòu : Si
Autour basso e auto : 0 à 2300 m
Aparado : Noun
Abriéu à jun

Liò : Mueio - Bas palun - Ribo d'estang
Estànci : Termoumediterran à Subaupen
Couroulougi : Bourealo
Ref. sc. : Carex vesicaria L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arabis hirsuta & Carex vesicaria

ges

Coumpara Arabeto(-peludo) emé uno autro planto

Coumpara Queirello(-vessiculado) emé uno autro planto